Sommaren 2021 er huset ledig for dei som ynskjer å ta ein ferietur til Bergen i perioden 24.6.-20.7. og 30.7.-8.8.

Huset ligg roleg til i Sædalen bak Nattlandsfjellet og det er ca 7 km til Torget og Bryggen. Vi bur i eit nabolag med både eldre og nye hus. Det er berre ein kort spasertur til skogen og Rambjøra landskapsvernområde. Vi har ein liten hage der ein finn solrike plassar å sitja og der de kan forsyna dykk av bringebær og solbær. Det er ikkje langt å gå til Helgeseter og vidare til Nubbevatnet som er vår nærmaste badeplass. Stien går vidare til Turnerhytten og Ulriken. 400 meter unna går buss 80 inn til byen. I juni og juli står vår 2-seters Renault Twizy til disposisjon, 30.7.-8.8. er familiebilen Renault Zoe tilgjengeleg for dykk. For dei båtvante kan vi tilby å få bruka vår 17 fot killing seilbåt med liten påhengsmotor, men då må de ha erfaring med båt. Vi har to kajakkar, 2 syklar for vaksne og 2 barnesyklar. For barnefamiliar er nok Akvariet i Bergen og Vilvite-senteret på Møhlenpris det to største attraksjonane. For dei vaksne anbefalar eg den unika Hvalsalen på naturhistorisk museum på universitetet. Slike kvalskjelett finst ikkje det ikkje maken til i noko anna museum i verda. Bergens 7 fjell er lett tilgjengelege også for familiar med små born. Bildene er ikkje heilt oppdaterte, vi har nytta det siste året til å pussa opp 2 bad og dei er blitt veldig flotte. Vi er generelt svært interessert i å ha homelink-familiar buande i huset medan vi er borte. Vi skal til Tyskland i den fyrste perioden og Narvik i den andre. Hjarteleg velkomne til eit hyggeleg og kjekt opphald i Bergen!